Kiran Rajpurohit

wo kehti hain tumhare baad kyun barish nahi hoti...

main kehta hun meri jaan hijr sehraon mein rehta hain...

wo kehti hai khusiyon  me bhi  tum to rone lagtay  ho...

me kehta hun meri aankhon ko sawan acha lagata hain..

wo kehti hai sab kuch itfaqan  hain tumhara gum... 

Main kehta hun yeh momkin hai yeh sab Aihtaraman ho

Woh kehti hai main kuch muztarib si hun...

Main kehta hun tum b meri rooh jasi ho....

Woh kehti hai tumhay kyun khoof ata hai hawao se...

Main kehta hun deep tou aise he hotay hain..

Woh kehti hai chalo hawa k sath chalte hain..

Main khamoshi se us k sath chal deta hun bhujnay ko..

Mujh se pouchti hai tum kahan gaib ho saadio se

Main kehta hun hazaro waswaso mai gum rehta hun

Woh kehti hai tum kuch dino se boltay kam ho

Main kehta hun kahin dukh bolnay se rook layte hain

Woh kehti hai mujhe yeh souch kar batla main kasi hun

Main kehta hun souchnay mai waqat lagta hai

Woh kehti hai koon aksar yaad ata hai uhdasi mai

Main kehta hun kuch puranay rastay bachpan aur ek larki

Woh kehti hai samundar sa koi rehta hai meri ankhon mai

Main kehta hun kabhi meray dil mai jhank kar dekho

Woh kehti hai sath ban janay se behtar hai bichar jayen

Main us ki baat pay dukh se hasa aur kuch nahi bola

Woh mujh se pouchti hai hum ager kuch b nahi hun tou

Main kehta hun nahi hona b hota hai Jahano mai

Woh kehti hai kisi ko mat batana meray bare mai

Main kehta hun muger is geet ko aur chandni shab ko

Woh kehti hai dard per b ek dard ki surat hota hai

Main is k baad ketni dair tak kuch nahi bola

Woh Kehti hai tumhare baad kyun barish nahi hoti..

Main kehta hun meri jaan hijr sehraon mai rehta hai..